قوانين وشروط المدونـــة ..~

المدونه لأخبار سوبر جونير فقط …

ممنوع التعليق السيء على اي عضو من اعضاء سوبر جونير والا سيتم حذف التعليق 

وبالنسبة لاخبار المدونه ترى انا كل شي بأحطه كل شيء بأشوف في المدونات الاجنبية بأنزله

وكمان اخبار هان كيونغ ترى نحن بنترجمها من مواقع صينيه لانو مافي مواقع اجنبيه تترجم اخباره 

يعني ممنوع نقلها بدون ذكر المصدر ارجوووكم 

يمنع منعاً بتاً التعليق السيء على اي عامل في المدونه والا سيتم حذفه 

ممنوع التعليق السيء على احد زوار المدونه 

يمنع منعاً بتاً نقل الاخبار دون ذكر المصدر ..

ممنوع التعليق السيء عن اي فرقة ..مانبغا مخانقات في المدونه وكل وحدة تحترم الفرقة الثانيه انتي تكرهيم صح بس لاتسبيهم انتو ماترضون احد يسب فرقتكم اوكي

حتى انا في فرق ما احبها بس خلاص ساكته عشان لا اطلع صورة مي حلوة عني اووكي بنااات تشيبااال لا احد يعلق على الفرق الثانيه

وبالنسبة لامور الترجمة ..

لا احد يضغط علينا ويقول متى تنزل اتأخرتو 

ترى حتى نحن عندنا اختبارات ودراسة 

ونحن بنحاول قد ما نقدر ننزلها لكم بأسرع وقت ممكن 

وكمان البنات الي بيجون يقولون في مدونات احسن منك ..طيب انا ايش اسوي انا ماقلت مدونتي احسن وحدة صح ولا لا؟؟؟ الي تبغا تدخل تشوف مدونتي حياه 

بس الي ماتبغا وتقول في مدونات احسن طيب انا عارفة في مدونات احسن مني بس مو تجي تقوليلي يعني انا بتعب واخرتها كدا تقولين 

يعني لو على الاقل تقدرون جهودي في المدونه 

الكلام مو موجه للكل الكلام موجه لقلة قليلة فقط 

وشكراً